وحشتينا ياعمان .. بقلم .. على ياقوت .. مصر

علي ياقوت الزعيقي

زكريات من التسعنيات الاردن عمان
والله وحشتينا ياعمان
كل ايامك ولياليكى زمان
كل الشوارع والحارات
والبيوت حتى الجدران
وحشتينى وكانى لسه
واقف على شبابيكك
والبيبان
وكانى عاشق ومغرم
صبابة لبنت الجيران
وحشتنى شمسك الطالعة
ونورها الحلو فرحان
وحشنى ليلك وقمرك
وسط النجوم سهران
وحشنى الشتا فيكى
والتلج نازل هيمان
يحضن اراضيكى على
ايدك ووخدك ب الاحضان
وحشنى صيفك وانا
ضيفك فىكل اوان
غمرتينا بكرمك الدافى
وانا والله وافى للعرفان
جميل وزى العسل واكثر
بين الخلايق بان
وحشنى اكل الحمص وطعمه
الحلو لسه على اللسان
وحشتنى ريحة قهوتك
كل صباح تدفينى وانت سقعان
وحشتنى بلادك من شرقيها
لغربيها يااجمل البلدان
وحشنى سحرك وروابيكى
والجداول الخضرا والوديان
وحشتنى العقبة والكرك
ومعان
وحشتنى جرش والسلط
وصويلح ورغدان
واربد والزرقاء وماركة
والشمسانى وجبل عمان
ومادبا وعجلون والبحر الميت
والغور ووادى رم والبتراء كمان
وحشتنى كل حاجة فيكى
كانت والسهرة والخلان
ولعب الشدة مع الارجيلة
والبال خالى مع الروقان
والله كانت ايام جميلة
مع صحبة الجدعان
ياريت زمانك يرجع
وترجع لينا ليالينا
واحنا شبان
يامحلا سنينك مرسومة
على جبينك المليان
ب انوارك واسرارك
وقلبك الحيران
بهواكى ياعروسة دايمة
جميلة وحلوة الفستان
ربنا يحميكى بدعوة ناسك
ومحوطك الرحمن
برعايته وبكرمه عليك
بطيبة ناسك وفى قلوبهم
والايمان

على ياقوت ..
مصر

١