صابر ...... ***** عادل جاد

عادل جاد

صابر ......
*****
طريق الهنا والبهج بعيد
ماشى بطريق الهم وحيد
آه مفيش بحياتى جديد
معرفش أيه معنى سعيد
الهم يوم ورا يوم بيفيض
السعد يهل لو الديك يبيض
لحد أمتى هافضل أعانى
باضحى وكل حبيب أنانى
الوفا بوجودى بقا أمانى
مفيش للود أى معانى
موش لاقى بالدنيا مكانى
والا ده زمن غير زمانى
والا انا من كوكب تانى
بالوفا أنا كلى تفانى
بياعنى وانا له شارى
دا الغدر بالميه جارى
حاضنى وعمره جارى
الصبح بعينى ظلام
الشهد طعمه مرار
ده حلال والا حرام
الهم فى صدرى نار
واخده سكن ودار
ماليش معاه قرار
خلاص بقا أستعمار
مفيش للهنا أنذار
الهم مالوش أعذار
طول م البشر غدار
النهار ده زى أمبارح
مفيش حد بيسامح
اللسان بكبره جارح
إللى بيحصل ده كتير
الغنى بيدوس ع الفقير
محدش على دينه بيغير
الكل عامل ملك وأمير
وهو للغرب أسير
أنا بانادى بالتغيير
صابر والصبر جميل
المسلم للذل سفير
عايش للفحش غفير

***
بقلم
عادل جاد