///////// فَكّرْيني////////////////.. بقلم .. عبد الرؤف جلال

/////////////// فَكّرْيني////////////////
قومي يا عمه فَكّريْني
وبعصايتك العوجه
تعالي اضربيني
فكريني بالليالي
فكريني بالسنين
فكريني بالطبالي
والمناجل والسواقي
فكريني بأيام جدودي
وازاي وكيف
الزم حدودي
فكريني بزول كبير
يخاف ويدادى
فكريني بالبنات
شايلين جرارهم
ساعة العصاري
فكريني باللمه
وايام زمان
وريحه الزرع
وجمال المكان
فكريني بالماجور
والنوم وسط الجرون
فكريني بالمحرات
اللي ماشي في أرض بور
فكريني بدقة الهون
وصوت البابور
فكريني بعم صابر
إللي شايل فأسه
من الفجور
فكريني بلمبة
الجاز والكانون
فكريني بقسط فول
فكريني بالقادوس
وعيال شايله فانوس
فكريني بالعروسة والحصان
ولعبة الحجله كمان
قومي يا عمه فكريني
وبعصايتك العوجه اضربيني

... بقلم .. عبد الرؤف جلال 

٢