الشكوه لله .. بقلم .. هلال البنا

الشكوه لله
مع هلال البنا
الشكوه لغير الله مذله
روح وخد وياك مشنه
وهات معاك بالمره حله
وراح تاخد في الحله حنه
والطبيخ حط في المشنه
الشكوه لغير الله مذله
روح وخد معاك مظله
عيد ميلاد حاجه مسنه
و كل يوم عملالها حفله
مطش كوره ومطش سله
واللي يفوز يشم كله
الشكوه لغير الله مذله
بس تعالى وطل طله
هتلاقي كام ألف عله
لو لقيت الجو شمسه
روح وشوفلك حته ضله
والبعيد اكسرله قله
الشكوه لغير الله مذله
شكوتي أنا رحت ليه
واللي ماسك الحفله بيه
كله له مافيش عليه
واللي قاعد منه فيه
إللا انا كت جاي لا إيه
الشكوه لغير الله مذله
روح ولف الخيط في شله
وانشر الصوره ف مجله
وحط في ريح الورده فله
كتره بس تغلبها قله
خللي صورتك مستقله
الشكوه لغير الله مذله
لو معاك الخيط في لفه
لف وروح غزل المحله
ولو لقيت الحمله واقفه
هاتلي جوز شراب وشمله
أصل رجلي فيها أفه
الشكوه لغير الله مذله
المذله تروح وترجع
ومش هتاخد بس هتدفع
ومش تلاقي حد يشفع
واللي يدفع مش هينفع
واللي ينفع مش هيقنع
الشكوه لغير الله مذله
الشكوه لغير الله خساره
حتى لو لرئيس وزاره
الكدب خيبه مش شطاره
والوضوح صدق طهاره
شكوه لله قولها ياللا
الشكوه لغير الله مذله
هلال البنا في
الشكوه لله

٥