صعبة .. بقلمي .. محمود عجور

صعبة لما يكون بقلبك حكي
ومن قلبك هالحكي ما عم يطلع
صعبة لما تكون من جوا موجوح
والأصعب إنوا عينك ما عم تدمع
صعبة لما تروح كتير لبعيد
والأصعب إنوا ما عم تقدر ترجع
صعبة لما تعيش بطيبة قلب
وهالقلب ساكنه جرح كبير وبيوجع
صعبة لما تخفف جروح الناس
ومن هالناس جرحك كرماله عم يوسع
صعبة لما تحب تشكي همومك
وهمومك ما حدا بده يسمع
صعبة لما تكون موجوع
بس مش عارف من شو عم تتوجع
صعبة لما تشوف العمر عغفلة راح
وتعرف إنوا اللي راح ما عاد يرجع

صعبة بقلمي محمود عجور

١