سكر النسيان . بقلم .. منى عبد الرحمن

سكر النسيان
وبعد كل طريق
لما القلوب بتضيق
ويبتدي الانسان
يظهر ولو مرة
أصل الحياة مرة
ماليانا بالقسوة
والخيبة والبلوى
بنروح لها سالمين
وقلوبنا مفتوحة
نرجع كتير خايبين
أرواحنا مجروحة
حليها لو تقدر
بسكر النسيان
فين ريحة العاشقين؟
وسكر النسيان؟
أدينا اهه دايبين
م الغلب والأحزان
مفيش طريق لاتنين
ولاخطاوي حنين
مقفول بيبان الروح
على قلب ملوه جروح
شراينه مفتوحة
دمه بينزف دمع
ولافيه وطن ولاسمع
وحروفه مدبوحه
منى عبد الرحمن

٢