مايهمنيش .. الشاعر .. خالد المنصوري/مصر

مايهمنيش
مايهمنيش اسمك ايه .. ولا يهمني انت مين
المهم حتعمل ايه .. تخدم بيه ناس تانيين

خد رسول الله قدوة .. كان يتيم صادق آمين
اخرج امه خير امه .. اخرجت للعالمين
.................................................................
مايهمنيش اسمك ايه .. ولا يهمني انت مين
المهم تحسن سيرك .. وتعمل فيها بكل ضمير
والاهم تقدم خيرك .. ويبقى وجودك له تأثير
كلمه منك تسعد غيرك .. وعامل خلق الله باللين
.................................................................
مايهمنيش اسمك ايه .. ولا يهمني انت مين
اعمل اللى يفيد الخلق .. واللى يعود عليك ويفيدك
بس مهم تمد ايدك .. واوعى تنسى تشكر سيدك
ولما المولى بنعمه يزيدك .. متنساش فى يوم مسكين
.................................................................
مايهمنيش اسمك ايه .. ولا يهمني انت مين
دا المهم تقرب بُعدك .. واوعى يوم تفرق يعضك
ان عهدت احفظ عهدك .. وان وعدت اوفى بوعدك
نظف ايدك نظف قلبك .. وخلى عندك تقوى ودين
.................................................................
مايهمنيش اسمك ايه .. ولا يهمني انت مين
ان قدرت تسامح سامح .. ولا تفترى على خلق الله
واعمل اللى فيه الصالح .. وارمى حمولك على الله
وخلى وردك ديما طارح .. زى الفل يسر العين
.................................................................
مايهمنيش اسمك ايه .. ولا يهمني انت مين
المهم حتعمل ايه .. تخدم بيه ناس تانيين
خد رسول الله قدوة .. كان يتيم صادق آمين
اخرج امه خير امه .. اخرجت للعالمين
مايهمنيش .. مايهمنيش

9/12/2019

أعجبني

تعليقمشاركة

التعليقات

اكتب تعليقًا...