وينعس هو ف عنيه .. بقلمي✍ ناهد الموجي .. شاعرة مصرية

وينعس هو ف عنيه
💌💌
💌💌
🌸يا واد بطل كلام ناعم
🌸بتتنحنح قوي وفاهم
🌸وبترش الهوى ديكو
🌸وتعمل للقلوب إيكو
🌸ولابس سلسلة فضة
🌸وراسم ع الدراع عضة
🌸وشعرك ف الشبه..شيكو
🌸انا رايدة الفواعلية
🌸وعشق بجد مش غية
🌸وبيت على شكل بنية
🌸وطبطوبة بحنية
🌸بإيد شقيانة وعفية
🌸وراجل يبقى ضليلة
🌸نِكَوُن فى الحلال عيلة
🌸وليلة تجري ورا ليلة
🌸أصنع الف ميت حيلة
🌸يباهي الغيرانين بيا
🌸وقول دي حبيبتي جنية
🌸حورية ف شكل إنسية
🌸ويجري العمر والأيام
🌸ونتكحكح ونبقى حطام
🌸تزهر عندنا الاحلام
🌸بلون الخضرة والميه
🌸على كتفه يخدني وانام
🌸وينعس هو ف عنيه

بقلمي✍
ناهد الموجي
شاعرة مصرية

أعجبني

تعليقمشاركة

التعليقات

اكتب تعليقًا...