بحر وشطين .. شعر .. سمير محمود

بحر وشطين وشمس
واحنا الاتنين وبس
وكلامنا سكوت وهمس
ولاحاجة تهمنا
...............
والعين بتلاغي عين
وايدين تحضن ايدين
دايبين حب وحنين
والكون على قدنا
...............
ناسيين كل الحاجات
بنحايل في الأهات
تفارقنا لو ساعات
وتسيبنا لوحدنا
...............
عايشين اجمل شعور
شايفين العتمة نور
وحنين بيهد سور
وغرام بيضمنا
..............
وحبيبي ونور عينيا
ويايا وبين ايديا
ولا كل الدنيا ديا
تفرق شملنا
.................
ياشمس إوعي تغيبي
استني شوية سيبي
ضيك يطفي لهيبي
خليكي ميت سنة
...............
وياليل اياك تجينا
ماتشمت حد فينا
داحنا يادوب ابتدينا
وبدأنا حلمنا
#سميرمحمود

٣