شاهد ياقمر. (شعر غنائى ) كلمات الشاعرة .. امال بدر

شاهد ياقمر. (شعر غنائى )
شايف عيونى ياقمر
دبلت من كتر السهر
الليل طويل القلب عليل
وحبيبى سافر وهجر
شاهد عليه ياقمر

فين الكلام والمراسيل
دموع العين عليه بتسيل
نسى ليالينا والسهر
وساب القلب ينكسر
شاهد عليه ياقمر
إمتى يطمن قلبى عليه
ويقول غيابه عنى ليه
ليه سابنى وحدى للخطر
الدمع من عينى انفطر
شاهد عليه ياقمر
دامهما زاد بعده وقساه
هعيش العمر استناه
وأمنى نفسى وانتظر
راضية بمكتوب القدر
شاهد عليه ياقمر
امال بدر

١