صورة حبيبتي ..........محمد عبدالرحيم

محمد عبدالرحيم

صورة حبيبتي
..........
إحكيلي عن حبيبتك ..
ماقولتش حاجة عنها
وليه خبيت صورتها ..
وحاجات واخدها منها
أنا عايزة بس أعرف ..
حكايتها من حبيبي
وإزاي عايزني برضه ..
أنسى حبيبة حبيبي
.........

صورة حبيبتي شافتها..
مالحقتش عنها أداريها
وبتسمعني بدموعها ..
وأنا بحكيلها عليها
. . . . . . . . . .
كانت لما بتضحك ..
تبقى الدنيا إبتسامة
كانت لما بتبكي ..
بقول يلله السلامة
..........
كانت لما بتاخدني ..
بحب في حضنها
بحس بدنيا أجمل ..
على دقة قلبها
..........
كانت أمي وحبيبتي ..
وأختي صديقتي بنتي
شمسي وقمري إللي
غايب ..
ونجمتي وحكايتي
..........
كانت لهيب دموعي ..
كانت سر إبتسامتي
كانت ولسة باقية ..
وحتفضل ياحبيبتي
حتفضل ياحبيبتي
..........
محمدعبدالرحيم