،، جوز الاربعة .. بقلم .. إيهاب السقا

مشرف · ٥ ساعات

‏‎Ehab Elsaka

،،،،،،،،، جوز الاربعة

والله الدماغ مصدعه
منك يا جوز الأربعة
خليك تقيل
معادتش منها منفعه
الجرى ويا المرقعه
هتموت قتيل
سيب الحمار للبردعه
هتطق من الفرقعه
اوعى الفتيل
متفكرش إنك مجدعه
إنك تخش بأربعة
دول مش قليل
هيزهقوك م السرسعه
وكل واحده مربعه
ومفيش غسيل
الأولى لابسه مرصعه
التانيه مش فاضيه،،،،،مرضعه
إياك تميل
التالته صوت الضفدعة
والرابعة خاتماها بزوبعه
هتروح عليل
،،،،،،،الله يرحمك يا هيما،،،،،،،،،
،،،،،،،إيهاب السقا،،،،،،،،