------
زوابع زوابع
وموج عالي راجع
بكل المواجع
وطوفي اللي عايم
في البحر البهيم
وشمسي اللي تطلع
ما لاقي مواضع
وطوفي اللي ماشي
ف يحضن له شط
وبنت الملك تشوفني
ف تجري تاخدنى بايديها
ويشفي البرص
ويرجع جمالها شبابها ودلالها
يطل القمر
دموع تنهمر
بفرحه وبهجه
بآمر القدر
دا موسي النبي
----'-
انا مش نبي
ولا انتي البتول
اقول مطلبي
ف لحظه انول
ولا انتي ملاك
واخدني ل هناك
ف تعلي ملامحي
ومن لوني قمحي
ازيد في البياض
واقابلك واصارح
انا ابن الغلابه
وشغل الديابه
ماهواش طريقي
وفرجي وضيقي
اعيشه بملامحك
اطبطب وادادى
واداوي ف جرحك
حاتبقي انتي مني
وساكنه ف نني
واشيل كل حملك
ولو كوم عذاب
ولكن ياستي
لو بعتي وخونتي
وطلع لك نياب
حاكسر في نابك
وادوب عذابك
كاسات اسقيهولك
في عرضك وطولك
تكوني ملاك
شعر .. يسري عثمان
ليست هناك تعليقات:
إرسال تعليق