قلبي المجنون .. الشاعر .. يسرى عثمان

قلبي المجنون
الجن بيعشق دايما جن
وانا ست القلب مافياش جن

انا فيه القلب اللي يحنن
لما ابعد روحى بتتجنن
ما الحب في قلبي خلاص سنن
وبقاله نياب
بادعى له الصبح الله يحنن
واغضب لوغاب
وبيعض الحته الوجوعه
واتألم اه
لوخدني الجنه الممنوعه
من بدري معاه
ماهى دقة قلبي المسموعه
علي طول شاغلاه
والجن بيعشق دايما جن
واتا ست القلب مافياش جن
لكن فيا اسرار وحاجات
وانا قلبي النابض نازل رن
طبعا لومات
الشوق جوايا دايما يعزف
كل النغمات
ومقام الحب السلطاني
وآوان الورد النعماني
لو سابني وفات
حاتلاقي عطور وملايكه ونور
والخير مبدور
طالع م الركن الجواني
المليان عشق
والجن بيعشق دايما. جن
ونا ست القلب مافيا. ش جن
انا قلب ف عز البعد يحن
لو دق يرن له نبض يئن
لو غاب الحب الرباني
يبكي وبيزن
......
الشاعر .. يسرى عثمان