خلاص قررت أكون ... بقلم .. سمير محمود

خلاص قررت اغيّر واكون واحد جديد
هقوم الصبح بدري اجرى والعب حديد
وهقلل اكلي خالص
لاسمين ودهون بناقص
انا أصلى كنت حاسس
إنى بتخن وازيد
وهمشى ع النصايح واطبق الريجيم
واتمسك باللوايح وهمشى مستقيم
مش حابب الفضايح ولا بصة اللئيم
ماكفاية عمر رايح ومكانش ف يوم مفيد
هتبع دكتور ودايت
مشروبى هاخده لايت
والبس قميص وجاكيت
وده حلم كان بعيد
وهخفف المسكر
وهرفض مش هفكر
بعد اما اتعب راح اقدر
اوصل هدفي اكيد
ساعتها هلاقى راحة
وهخلص م الوقاحة
والنظرة والبجاحة
وهعيش مبسوط سعيد
بقلم .. سمير محمود

٢