من سكات ... شعر .. سمير محمود

من سكات
لو كنت ناوي ع الرحيل
والفراق أصبح بديل
متسيبيش شوق متسيبش ميل
متسيبيش شىء
م الذكريات
...............
لو هي دي اخر الحكاية
يلا بينا خلاص كفاية
قلبي أصلاً م البداية
داق معاك
كل الأهات
..........
امشي خلاص بس افتكر
انك خسرت وانا منتصر
وإن كنت ناوي تعتذر
معادش ينفع
قلبي مات
...............
وانا مش هضيع بعدك وأموت
ولاهكتب اسمك ع البيوت
فخد معاك جرحك وفوت
وخد معاك
أسوأ حاجات
#سميرمحمود

أعجبني

تعليقمشاركة

التعليقات

اكتب تعليقًا...