؛؛؛ الأرض ... الشاعر .. هلال البنا ..

؛؛؛؛؛؛؛؛؛؛ الأرض
الأرض هي الأرض
فى الحر أو ف البرد
وطولها زي العرض
ليها سر واحد فرد
ويمكن تطرح شوك
ويمكن تطرح ورد

والأرض زي العرض
منصانه سنه وفرض
وانخاف عليه م الهوا
ومن العفار والشرد
وانغار عليها م الجار
وانضحي جمع وفرد
حكيت قصايص كتير
ولآ وحده طلعت صح
إلا موال قصير
وخلصته خالص بح
واللى سمعها كتير
مافهمش ذم ولا مدح
يا أرض إيه إللى صابك
وقعتي ليه ف الفخ
ترابك هو ترابك
وللا انتي رملك سبخ
عالخد نازل ومايل
والكل نازل ردح
مصالح وللا جمايل
ولآ حد عارف رد
شوك وليه تزرعوه
مدام زرعنا الورد
والورد ليه بعتروه
وبهدلوه فى الأرض
يا أرض فيكي البذر
والورد فيه العطر
ياشوك ماليه الشر
شو وكت إيد الحر
يا ورد صون الأرض
خلينا نوصل بر
دالأرض هي الأرض
فى الحر أو فى البرد
وطولها زي العرض
والسر واحد فرد
والأرض زي العرض
منصانه سنه وفرض
؛؛؛؛؛؛؛؛؛؛؛؛؛ الأرض
الشاعر .. هلال البنا ..