حبيبتى جتنى ف المنام
طمنت قلبى الحزين
جتنى وردت ع الكلام
اللى ف نفسي من سنين
............
قالتلى طمنى عليك
وايه عاملة الحياة دلوقتى فيك
مش عايزة اشوف دمع ف عينيك
ولا عايزة حزن أو أنين
.............
انا لسه بفرح لماتفرح
وحاسة بيكوا فى كل مطرح
واحشينى خالص ياورد فتح
يااغلى حاجة شافتها عين
...........
وقوللى ايه حالة الولاد
فاكرينى لسه ولا قدروا على البعاد
والبت غنوة لسه حلوة ولسه بتحب العناد؟
وعبير وأحمد لسه برضو محزونين؟
..........
وبحس بيكوا لما تيجوا وتزورونى
والشوق ماليكوا وبدموعكوا بتوجعونى
الله يعافيكوا م اللى فيكوا أنا اللى اسفة اعذرونى
يجمعنى بيكوا رب عالم بالقلوب والمشتاقين
..........
كلمنى عنك عن ظروفك متداريش
عن غربتك عن وحدتك واياك تقولى لأ مفيش
صحيح فارقتك بس حبى جوه منك متنسيش
وعشان بحبك انا جيت وزرتك لجل تهدى وتستكين
.......... .
فاكر ياقلبى لما كنا ويا بعض
والدنيا فاتحة حضنهاومليانة ود
اه يانا منها وغدرها منصفتش حد
كل اللى فيها مروحين
...........
عارفاك عاذرنى ومش لايمنى ع الرحيل
وان كان قراري اوبيدي كان مستحيل
وانت عارفنى وحبى ليك اكبر دليل
واسأل دموعنا ف يوم وداعنا والحنين
#سميرمحمود
ملحوظة:بطلة المحتوى زوجتى رحمة الله عليها..وغنى وعبير وأحمد هم أولادنا
طمنت قلبى الحزين
جتنى وردت ع الكلام
اللى ف نفسي من سنين
............
قالتلى طمنى عليك
وايه عاملة الحياة دلوقتى فيك
مش عايزة اشوف دمع ف عينيك
ولا عايزة حزن أو أنين
.............
انا لسه بفرح لماتفرح
وحاسة بيكوا فى كل مطرح
واحشينى خالص ياورد فتح
يااغلى حاجة شافتها عين
...........
وقوللى ايه حالة الولاد
فاكرينى لسه ولا قدروا على البعاد
والبت غنوة لسه حلوة ولسه بتحب العناد؟
وعبير وأحمد لسه برضو محزونين؟
..........
وبحس بيكوا لما تيجوا وتزورونى
والشوق ماليكوا وبدموعكوا بتوجعونى
الله يعافيكوا م اللى فيكوا أنا اللى اسفة اعذرونى
يجمعنى بيكوا رب عالم بالقلوب والمشتاقين
..........
كلمنى عنك عن ظروفك متداريش
عن غربتك عن وحدتك واياك تقولى لأ مفيش
صحيح فارقتك بس حبى جوه منك متنسيش
وعشان بحبك انا جيت وزرتك لجل تهدى وتستكين
.......... .
فاكر ياقلبى لما كنا ويا بعض
والدنيا فاتحة حضنهاومليانة ود
اه يانا منها وغدرها منصفتش حد
كل اللى فيها مروحين
...........
عارفاك عاذرنى ومش لايمنى ع الرحيل
وان كان قراري اوبيدي كان مستحيل
وانت عارفنى وحبى ليك اكبر دليل
واسأل دموعنا ف يوم وداعنا والحنين
#سميرمحمود
ملحوظة:بطلة المحتوى زوجتى رحمة الله عليها..وغنى وعبير وأحمد هم أولادنا
ليست هناك تعليقات:
إرسال تعليق