ياامى الغالية سامحينى دموعك والله ع عينى ...........بقلم .. سميرمحمود

ياامى الغالية سامحينى
دموعك والله ع عينى
...........
ياريتنى اقدر امسحهم
واحط الفرح مطرحهم
واداويهم وافرحهم
ماياما ياما شيلتينى
.............
ياامى كفاية مش قادر
دانا موجوع ع الآخر
ومش جني ولا ساحر
فمن فضلك تساعدينى
.............
أبوس رجلك وابوس يدك
بلاش دمعك يطول خدك
وقومى فتحى وردك
دانا مشتاق تضمينى
.............
ومهما كبرت محتاجلك
تعالى ياما على مهلك
خدينى ف حضنك اشرحلك
ومين غيرك يدفينى؟!
............
انا دعوة مابين كفك
وكلمة حروفها من حرفك
وانامركب عشق شطك
وحبك كل تكويني
#سميرمحمود