... الميزان .. بفلم .... هلال البنا ..

الميزان.........
خسران ومش كسبان
طولت مانت ناوي اتجور
قوم واعدل الميزان
كيل وميزان مكسور
بتميل مع المكاييل
مابلاش تميل واتجور
ياما قالوا في المواويل
كيل الحرام مبتور
قوم صلح الموازين
وبلاش تروح في جحيم
ليه تبقى م الظالمين
و تبيع قدح مقعور
بتغش ليه واتطفف
لما تبيع واتخفف
ولما بتاخد بتوفي
وف حق الناس ليه مسرف
وابتوزن ليك واتكمل
تملا المكاييل وتكيل
وحق الغلبان ينهان
ويكون أهبل متنيل
وللميزان ميت كفه
كل اللي كان آهو كفه
واهولف وعاد اللفه
وفاض وغطى القفه
هو الميزان دا كلام
وللا منام وأحلام
دا حياه وعدل الله
وعلوم وفن و علام
أصل الميزان محبوب
والعدل فيه مطلوب
والرك ع النيات
والرب رب قلوب
يابو الميزان مايل
والعدل مش طايل
والكيل يادوب اتشيل
حمل وشيل باطل
قدحك وليه صده
والكيل نخيل رده
والرده مابتوزنش
والكيل عاوز شده
خلي الميزان صالح
والكيل يكون فالح
والوزنه لو ناقصه
كملها بكوالح
خلي الميزان معدول
وكيل كيلك بإصول
ليه توزن البرسيم
والباقي قشر الفول
خلي الميزان عطلان
ومكيالك الخربان
تصليح ميكال وميزان
تكسب ومش خسران
طول مانت ناوي اتجور
بميزانك المكسور
معووج قدح معوور
مش راح تكون كسبان
.............. الميزان
بفلم .... هلال البنا ..

أعجبني

تعليقمشاركة

التعليقات

اكتب تعليقًا...