انت وأنا .. # بتول العتربى

انت وأنا
حكايات نقولها لبعضنا
بين شوق وحنين
والمجروحين
جابوا فى سيرتنا من سنة
أنت وأنا
لما الايدين بنضمها
نتلاقى وفى عز اللقى
نسماية هلا بالدفا
محلا الهنا
أنت وأنا
ضلاية محتاجة الوفا
متكتفة
بعيون تشق همسها
وتقول لها
احنا هنا
أنت وأنا
والحب عشش من سنين
دارى على القلب السجين
فى أجساد وكانت م الأنين
متألمة
أنت وأنا
ونقول يامين
يعرف طريق ويقول لنا
نمشيه سوا مع بعضنا
والخطوة بينا مقسمة
حاسة الحياة الممكنة
لو يوم نتوه حتى تردنا
تانى هنا
أنت وأنا
# بتول العتربى

٤