أحيان .... بقلم ... سمير محمود

أحيان
الشدة تكشف لينا انسان
مين جواه الخير وده طبعه ومين على وضعه خسيس وجبان
مين لما بيقوى ويقدر
ينسى ويقسى ويعرف يغدر
ولاعلى باله ولابيفكر
ولابيهمه العشرة كمان
وكتيرتبذل كل جميل للغير
وتكون راحة لحزن كبير
وفجأة تلاقى تمن الخير
صد وخزى او نكران
وساعات ظنك يبقى فاشوش
مع ناس منك لابسه عشانك احلى وشوش
لما الكل بيبعد عنك وحياة والدك ميحاولوش
ياخدوا بايدك ولا يبنولك بر أمان
#سميرمحمود

١