بنت نورة 😂😍 نورة اسماعيل .. شاعرة مدينتي

ماما حببتي كتبت ليا الكلام الحلو ده Nora Esmail
بنتى الصغنونة
كبرت وبقت أمورة
بعيون عسلية
وأحلى من الصورة
ياحتة مني
ياروحي أنا
أطلبى وأتمني
لو أطول أجيبلك
حتة من السما
مش كفاية عليكي
بس مدي أيديكي
وأؤمري وشاوري
وأَنفذ أنا
ربي يحميكي
ويبارك فيكي
ويفرح قلبك
بنصيبك اللى
مستنيكي
ويكون يستاهلك
ويراعي ربنا فيكي
يامؤدبة وشطورة
وآهى فى الصورة
أصل انا شهادتي
مجروحة فيكي
بس كل اللى شافوكي
على طول حبوكي
وقالو عليكي
أحلى من الصورة
يا أم دم خفيف
وكلامك لطيف
وهزارك ظريف
يارب يحميكي
ويبارك فيكي
ولا أشوف ليكي
الا الفرح والهنا
ومهما قولت عنك
مش هقدر أوفيكي
حقك
وأنتِ خايفة عليا
كأنك إنتِ اللى أمي
وبحمد ربى
انه بيكي رزقني
ونورتي حياتي
زي البنورة
ماهو أصل أنتي
تبقي بنت نورة 😂😍
نورة اسماعيل
شاعرة مدينتي

أعجبني

تعليقمشاركة

التعليقات

اكتب تعليقًا...