بيكيا **********مايسة إمام

لمحات من الحياة

بيكيا
**********
عم يابتاع البيكيا
عم يابتاع الكراكيب
ملقاش والنبي عندك لينا 
صندوق يانصيب ؟؟؟
فيه حبة حنية وطيبة
علي نظرة ود في تغريبة ؟ ؟
علي دعوة طالة من قلب
دقاتها مزيكا عجيبة
بتروق وتحلي الغيب
ف دنيا حالها ولا المجاذيب
- - - - - - - - - -

عم بابتاع البيكيا
عندك صاحب شبه إلإنسان !!!!
عندك أخ يكون يكون سندان!!!!
مش مطرقة تكسر إخوان
عندك أب ؟؟عندك أم ؟؟
دعوتهم حضن بيضم ؟؟؟
مش اسم وعيلة وكيان
مرسوم أدامنا دخان
- - - - - - - - - -
عم يابتاع البيكيا
عندك ابن يكون سماعيل
مش إبليس جي في قابيل
عندك إيد ترد جميل
مش أيد تيجي جايبة الويل
تقطع حبل وريد مغزول
وتهادي بالشر
ويكون شره مر
وتقول حتي قليل
- - - - - - - - - -
عم يابتاع البتاتيع
نفوسنا مليانه كلاكيع
عمالة بتكبر وتزيد
سرطانها ملوش بلابيع
مبقاش فينا مكان لوديع
مبقاش فينا قلب يسيع
كله بقي ولا خرم الإبرة
مهما عمل ملهوش توسيع
شوفلنا عندك أي قديم
هلكان بس يكون فيه نسيم
فيه لمحة من قلب رحيم
فيه فتفوتة كدا صغتوتة
من بني آدم من غير ضيم
فيه أبيض كاسي ع الإسود
فيه لسه زرع ما دود
فيه خير عاوز يتزود
ويكون خير مش غش قديم
- - - - - - - - - -

عم يابتاع البيكيا
تع لم اللي رابكنا
والهم اللي راكبنا
والغل معذبنا
ونادي وقول
علي رأي القول
كل ماضاقت كل مافرجت
ربك قال لنا كدا في الدين
- - - - - - - - - - -
مايسة إمام