.....( يآ أرق من نسيم الكون)......
بحبك وبهواك وإسأل اللِّيل وللقمر قوله
بأتمناك يآروحي تبقي جنبي وأعيش فداك العمر كله
وإسأل عني روحك زي ماسألت روحي عنك
وافتح قلبي يآحبيبي وشوفه إيه هيقولك
من گام سنه وقلبي بيحبك ودايب فيك
من يوم ماحسيت بمعاني الحب والهوي انا عايش ليك
ومن صغري بناجي روحك وباتمناك تحس بيآ
وعايش سهرآن وخيالي معاك ويآما النوم خاصم عنيآ
وعلشان اشوفك يآحبيبي باسرق م الليل ساعات وف منامي بأستناك
وياما اترجيت زماني يجري بيآ..والقي نفسي عايش وياك
حبيبي قوللِّي يآ هل تري كنت بتحس بيآ وبشوق عنيآ يوم لُقاك
والفرحه الكبيره لما جاتني والدنيا حنت عليآ بيك وبّْهَواك
ولقيت البدر بيضحكلي والنجوم فرحانه والدنيا بتقوللِّي
جيبالك حبيبك اللي كنت بتترجاه وبتتمناه مني تمللِّي
ولقيت الفرحة ماليا قلبي وعنيا وسبقاني لحد حضنك
والدنيا حواليآ جميله وفرحانه وبترقص لقربك
الله علي حبك وحلاوته وهنايا معاك ياحب عمري
ارجوكي ياأيام هدي علينا شويه وبلآش بينا تجري
خلينا نعوض كل يوم من عمرنا فات من غير ما ندري
حبك خلاَّني اقول لكل الناس حبوا واتهنوا واسهروا
والدنيا إيه وتسوي إيه من غير حب نعيشوا ونجربوا
والعمر إيه من غير حبيب يحبنا ويمسح دمعنا ونعشقوا
ونشرب گاسات الهنا من شفايف الحبيب شَهّْد يدوبنا وندوبوا
يآحبيبي حبك لما جاني خدني ووداني لعالم تاني
ونسيت حياتي وحيرتي قبل منك وودعت أحزاني وحرماني
وبعد ماكانت أيام حياتي عدم.. ومليانه عذاب ودموع وألم
وكنت سواح في دنيا غداره ومليانه بالندم
لاقلب يحس بيآ ويمسح دموع عنيا ويخفف ألم عذابي
ولآحبيب يهون عليا غدر الأيام ويصبرني علي اوجاعي
ولما حن عليا زماني وبعتلي هواك وكنت له عطشان
لقيت قلبي وعقلي وروحي الكل فيه غرقان هيمان
رب السما يخليك ليا ياارق من نسيم الكون
وللقلوب اللي عايشه من غير حب..
الله يكون في العون
الله يكون في العون
وإللي الدنيا وخداهم وعن أحبابهم مفرقاهم وفيها تايهين
هتلاقوا العمر يجري يوم ورا يوم منكم..لحد ماتخلص أحلي السنين
تعالي يآ حبيبي نعيش للحب والهوي..والعشق يتوهنا ويدوبنا
ومهما گان غدر الزمان حوالينا لايوم بينا خصام.. ولا عن الحب حد هيقدر يتوبنا
خواطر (أشرف الدغيدي)
حقوق الملكيه محفوظه
حقوق الملكيه محفوظه
ليست هناك تعليقات:
إرسال تعليق