واتفقنا يكون فراقنا ... بقلم .. عزام أحمد

واتفقنا يكون فراقنا
حاجه أشبه بالجنان
نصحي يوم السبت بدري
ونلتقي ف نفس المكان
نعمل اللي ماجاش في بالنا
ونسرق اليوم م الزمان
هو ده اليوم اللي فاضل
هي دي نهاية اللي كان

ايدها فضلت حاضنه ايدي
ف كل ثانيه من الساعات
هي كانت كل حاجه
وكنت انا نُص الحاجات
هي كانت شبه ساكته
وكنت انا بحكي حكايات
هي بتداري ف دموعها
وكنت انا باصرخ آهات
واتفقنا لما نمشي
ننسي كل الذكريات
هي مشيت حاضنه روحها
بس انا كان قلبي ماااات
⁦✍️⁩........................... #عزام_احمد

أعجبني

تعليقمشاركة

التعليقات

اكتب تعليقًا...