⊙☆••• اللعبــــه!! •••☆⊙ ةةةةةة الشاعر /ابراهيم القاضى

⊙☆••• اللعبــــه!! •••☆⊙
ةةةةةة
زى ماكنت ..كنت فنط
أمشى براحتى ..
أجرى ..أنط
افتح مندل ..أقرا البخت
أبيض أرنب ..أولد بط !
من غير ما أتعب ..
يجى الشحط ..
يرمى بياضه ..فوق أو تحت
زى ماكنت ...
كنت فنط !!!
ةةة ⊙☆••• اللعبــــه!! •••☆⊙ ....
واد لعيب ..والناس أصناف
صنف معاه ..
م الجوع ..خواف
وصنف اهو ..راضى بنص رغيف
صنف لطيف ..
ف الهوى ..حريف !
وصنف يوسخ ..أى نضيف
ياكل حقك لوكان ..سنط
زى ما كنت .....
كنت فنط ..!!
ةةة........!
واد لعيب ..والرزق ابواب
باب يتصدق ..وباب كداب
باب من معدن ..وباب لبلاب
وباب من حق ..
وباب .. مقلوب ..
باب لا هو غالب ..ولا مغلوب
باب م الغالى ..وباب بالقسط
زى ما كنت ...
كنت ..فنط !!!
ةةة ......!
واد لعيب ..وبلاعب خلق
جنب طاحونه ..تعزف رق
تاكل الحق ب 50 ..بق !
ترمى الطلق ..
ف ايها ..فحت ..!!
زى ما كنت ..كنت فنط !!
ةةة...!
ألعب يويو ..مع الأراجوز
يزعل منى ..واضرب بوز
جاتنى صبيه ..
وقلبى ..عجوز !
طالبه ايديا ..ايديا الجوز !
هى الدنيا ..
ف صورة ..بنت !
زى ماكنت ..كنت فنط !
ةةة ...!
شوفتنى شاعر ..جن يلحن
حرفه هوين زى ..الملبن
من غير قافيه ..
الكل ..بيرطن !
ولا قبانى ميزانه ..بيوزن
صار عنوانى .
شاعر..محط ..!
زى ما كنت ..كنت فنط !
ةةة ....!
قولت ألاعب ..مره الدنيا
لعب أبالسه ..كانت حاميه
قشت عرق ..العمر ف ثانيه
بنت العاميه ...
رمتنى ..لتحت ..!!
وتاه الفنط ..وبطل نط!!
ةةةةةةةةةةة
الشاعر /ابراهيم القاضى