( بافكر فعيون حبيبي )خواطر ..( أشرف الدغيدي )

( بافكر فعيون حبيبي )
ليلاتي بناجي الليل وابات سهران اشكيلوا عذابي
وعيني مابتشوف النوم وحبيبي بعيد عني ومش داري

ولما بيحن عليا بساعه كل كام يوم ويجيني والقاه
باتمني الأيام تحن علينا ونفضل سوا ويجي اليوم اللي باتمناه
ومفضلش طول الليالي سهران ولآ محتار طول نهار الأيام
بافكر في عيون حبيبي والسحر فيهم وهما بيقولولي احلي كلام
بشوف فيهم وهو معايا بحر مليان حب وحنان وغرام
باتمني اغرق فيه عمري كله وعيني معاه ابداً ماتنام
وآااه من شفايفه وابتسامتها وانا باسمع منهم احلي گلام في الحب اتقال
باحس برعشه بجسمي وكياني والقاه سرق مني الفكر والبال
وببقي عايز أسد ودآني وكل كلمه يقولها اسمعها منه بشفايفي
واتكوي بنار لهيبهم واتوه وانسي ايام جفاه زي مانساني كل معارفي
وف أيام لقانا بحس إن حبنا مطيرنا فالسما وهناك بيحلي لينا السهر
وكل مره اروح معاه باكتب حروف اسمه علي كل النجوم وعلي وش القمر
وبشوف حروف اسمه عناقيد زينه متعلقه حواليهم
ولما بأجمع حروف اسمه بالقاها منوره و مزيناهم
واللي محيرني ومسهرني كل الليالي ومش مخليني انام وارتاح
إن حبيبي شايف بعنيه وحاسس بقلبه ان حبي ليه كتير عليه
واللي معذبني إحاسسي اني مهما حبيته ومهما بوحت بحبي ليه
مش قادر أعبر عن حبي ولآ قادر أوصف كل اللي جوايه وحاسس بيه
ومهما قولتله من كلام عن حبه ومهما عبرتله عن احساسي بيه
كل الحروف مش هَتِكّْفِيه
خواطر ..( أشرف الدغيدي )
حقوق الملكيه محفوظه

١ تعليق

٢