- من غير فستان فرح
####################################
من غير فستان فرح
وعقد وزفة
سكنتى الروح بخفة ولهفة
ربطتى العمر بمرسى وضفة
مش كل الشجر بيحوش ضله
ولا كل غيطان القلب بتطرح فله
كان النور اللى فى عينيكى
بيشبع قلبى ويدله
مع كل نهار بيشقشق
كنت اسمع ترانيم الحزن بتبرق
طاب ليه
وانتى اللى اخترتى العقد التانى وعقدتى
ومشيت فى دروب مش ليكى
وسكنتى
مع كل نهار تحكى حواديت
والعمر يصبح فتافيت
ونعبى سمانا غيوم
ونغنى بصوت عاجز مظلوم
ونجفف شمس نهارنا ونلوم
ما عملتش مرة حساب القلب لما يلوم
خلعت شجر الاحساس واللوم
ودخلت الغابة
غابة احزانى اللى بتدوم
كان نفسى بس اشوفك
ولو من شيش اوحتى قزاز
كان نفسى اقولك وحشتى القلب
رغم ان غيرى فاز
وارمى السلام
واكمل طريقى واقول انجاز
======================محمدعبدالمقصودداود
ليست هناك تعليقات:
إرسال تعليق