إسمع يا إبني إنت وهوه
مصر هتفضل هى القوه
إسمها محفور على قلوبنا جوه
بقولها وبكل أمانة
هى الأولى في أول خانة
مرفوعة الراس وبأعلى مكانة
والكل منها بيتعلم
إنها عمرها ما تسلم
لأي عدو خاين
حبها في القلب ساكن
زرعناها وروناها بدمنا
طرحت جناين
عشان كدا غالية علينا
وتربها في عنينا
عمره علينا ما يكون هاين
صغير وكبير لها صاين
والكل جنبها مش باين
ونيلها هفيضل جنب الشط
خط أحمر
تحته مليون خط
والليل ناوي على غدر
يقرب
يبقى دخل جحر العقرب
شعبها لحمه مر
واللي يعاديها عمره تاني ما يمر
حبها فريضة على كل حر
محروسه يا بلادي من كل شر
هتفضل هى الحلوة
وكل يوم هنغني ليها غنوة
نرددها بقلوبنا
تعيشي يا مصر ديما حرة
بقلمي / زينب الرفاعي
ليست هناك تعليقات:
إرسال تعليق