رباعيات...
بعنوان
" رعشة حزن "
- - -
الدنيا مني خدت
أكتر ماهي ادتني
دورتها دارت عليّا
وبقسوة ٠٠٠٠ حضنتني
ورتني عجب العجاب
ف الحزن حدفتني
والدمع فارق جفوني
وباهة ٠٠٠٠٠٠ شدتني
٠٠٠٠٠
ماشي ف قلب الليل
والبال ماهوش رايق
بطوي ف ضلامه طي
والقلب ٠٠٠٠٠٠ مضايق
والدمع نار تلسع
والخد مش طايق
ياغُمة أمتى تسيبيني
توبك ٠٠٠٠٠٠٠٠ مافارقني
٠٠٠٠٠
العين بتدمع ملام
والعقل راح ولى
والضي داب في الضلام
وخيوطه ٠٠٠٠٠٠ تتدلىٰ
والصمت تايه حزين
وأنا قلبي يتملىٰ
يكتب حروف بالرمز
ودموعي ٠٠٠٠٠٠٠ هدتني
٠٠٠٠٠
حاسس ف حضن الأمل
براءة ٠٠٠٠٠٠٠٠ بتلوّح
وامد إيدي لغريق
على حاله بينوّح
واتمنىٰ يوم ضحكته
على دارها هاتروّح
تمحي جبال أحزان
للهم ٠٠٠٠٠٠٠ باعتني
٠٠٠٠٠
ليه خوفت يازمن
شايفك كدا مرعوب
محروق بنار خوفك
ضلك قلق مسلوب
رميت خيوطك عليّا
وبقيت أنا مطروب
والكلمة تنطق لمين
دي بخوفها عصرتني
٠٠٠٠٠
ماشيه تعد الخطىٰ
لكن الأمل ساري
ف طريق بدايته سراب
ومولعة ٠٠٠٠٠٠٠٠٠٠ ناري
حرقتني نار الشوق
وزماني مش داري
ندهني فجأة الطيف
وإيده ٠٠٠٠٠٠٠٠٠٠ لمستني
٠٠٠٠٠
بقلمي / على محيي
Aly mouhey
أبووليد
شاعر الجنوب
هذه الرباعيات محفوظة
بدار وادي عبقر للطباعة والنشر والتوزيع ولدىٰ المؤلف وبرقم إيداع
ومكتوبة من حوالي ربع قرن
في التسعينات
وماقبلها تقريباً
" جميع حقوق المؤلف وجميع أعماله الأدبية مدوّنة ومحفوظة
برقم إيداع"
ياللا صلوا على شفيع الأمة
سيدنا محمد
السبت ٥ يوليو ٢٠٢٥ م
ليست هناك تعليقات:
إرسال تعليق