اياك تعاتب
...
اياك تعاتب حدقاصد يجرحك
شايف دموعك نازله منك تدبحك
ده لو فاكر لك كل حلو عملته ليه
كان جه يصالحك وانت قاعد مطرحك
...
سيب الليالي تدوس عليه وتعلمه
تزرع ف قلبه جرح عمره يألمه
علشان يدوق طعم المرار زيك كده
يمكن دموعه تبقي اكبر درس ليه
وتفهمه
.....
اياك تفكر ف اللي فكر يخسرك
وجه عليك لحظه وحاول يكسرك
ماتسبش ليه الباب كمان يفضل موارب
افتح بيبانك للي عاش بيقدرك
.....
اياك تعاتب حد باعك من زمان
علشان خسيس اصل الخسيس مالهوش امان
انساه وسيبه هو عارف سكته
خلي اللي باعك بالرخيص يخسركمان
بقلم
خالد الكردي
ليست هناك تعليقات:
إرسال تعليق