قصص الأنبياء ....
للزجال حج هلال
........................
إسحاق إبن إبراهيم
جاله بعد إسماعيل
وخليفة سحاق يعقوب
وهو إسمه إسرائيل
وابنه يوسف كان محبوب
و إخوته 10 وبنيامين
راحوا مصر وعاشوا سنين
بعد مايوسف نشر الدين
وأظهر مصر في العالمين
ونسل اخواته جيل ورى جيل
معروفين بني إسرائيل
أجداد موسى نبي وكليم
وأخوه نبي سيدنا هارون
أصغر من موسى بأعوام
وأطول قصه في القرآن
قصة موسى بن عمران
فرعون شاف في الحلم كابوس
طفل هاييجي عليه ويدوس
وتروح هيبته ويزول ملكه
وكلام في التفاسير مدروس
قالوا بنات نسيبها تعيش
و الأولاد كلها هتموت
وبعد الظلم أخزخ و الجبروت
قالوا كله كلام أحلام
ولازم نسيب منهم خدام
مش هانلاقي ناس تخدمنا
ولا عمال تعمل مصالحنا
من أبناء بني إسرائيل
نقتل عام وانسيبهم عام
واللي هايفضل يبقى قليل
ويكابد زوجة عمران
حملت عام قتل الولدان
وبعد ما وضعت طفلها سمعت
أمه هاتف وحي كلام
لو مش خايفه عليه رضعيه
ولو بتخافي عليه حطيه
في صندوق في البحر ارميه
سمعوا أمر الله ورموه
فوق المية ويمشي شويه
قوم فرعون وخدمه خدوه
دخل القصر و الكل باسوه
وقال فرعون ومراته هاتوه
ٱسيه أمه وانا أبوه
وجابوا أمه واخته وياه
يرضع من أمه ويتمتع
وكل ما يكبر يعلموه
التوحيد والخالق الله
وبعد فطامه تزوجت أمه
وجالها سيدنا هارون من بعده
وكبر موسى في بيت فرعون
وفكر في اللي خلق الكون
ومعاه آسيا مرات فرعون
وأخوها طيب وحنون
ماشي موسى بره في يوم
شاف مشكله مابين شخصين
بيحوش واحد مش كان قاصد
مات من وكزه من صبعين
جاله راجل بخبر عاجل
مؤمن كان بين الفراعين
وقاله سمعت ملأ فرعون
ناويين قتلك مهما يكون
وطلع موسى وهو حزين
راح على مدين قال ياكريم
و نستكمل في المره الجايه
سيدنا شعيب والد البنتين
..... ... ..... .......
ندعي الله رب العالمين
ينصر غزة و فلسطين
ونحررها و نعمرها
وتكون ويا المسلمين
...............
وللحديث بقيه
مع الزجال حج هلال
ليست هناك تعليقات:
إرسال تعليق