((راح الماضي وبالحاضر،،، مالك الا تقول حاضر))
//////////////////////////////////////////////////////////////////
عشنا سنين وسنين
والامثال هيه شغلتنا
نانتي قالت وجدي قال
وهيك بيحكوا بحارتنا
واختي عيشه وخالتي فطيم
وهات وخود بكلمتنا
وكان وكنا وقال وقيل
وتطل ع شفافنا بسمتنا
///////////////////////////////////////////////////
بقه ع راسي قلتلا كش
قالتلي يسلملي هالوش
تجارسوريه من دمك تحش
وانا مهما بمص بقرش
وقبل ماتطير سبتنا
////////////////////////////////////////////////////
وشوفوا زلوخ تقول رقوش
كانت بتحكي بالسهرة
شلون العيشه كانت بقروش
ومافي هم ولاحسره
اكبر مشكل طز وفاشوش
يروح ومن الآه نتبرا
يوم الجوع يصير مدفوش
ومانسأل عن لقمتنا
///////////////////////////////////////////////////
وبهاليوم أنبدل الحال
عم نحسبها ونأرش
من الصباحيه اسمع موال
مرتي تعصب وتقروش
لواقللا انسدي بتقول عال
القطه صارت بتخرمش
نصيحه مني أسمعني ياخال
اتهدى ودوزن كلمتنا
//////////////////////////////////////////////////
العزوبيه تاج ع الراس
اوعى تبيعو ولوبغالي
لوبتبيعو تصير حوواس
عند الحرمه ياغالي
تعترض تقلك انكتم اخراس
انا النجمه البتلالي
تدعي عليك تقول وقواس
تقللا بأمرك حبيبتنا
//////////////////////////////////////////////////
شعر ؛ d,, نذيردهان
ليست هناك تعليقات:
إرسال تعليق