=======—مش قادر اجمع الم اللى انفرط فى سكة التايهين
##########################################
مش قادر اجمع اللى انفرط فى سكة التايهين
ولا قادر اجمع غنوتى
واللحن كله حزين
مش قادر اوهبلك عمرى
وقلبى انقسم نصين
فى عينى حلم الشجر وخريفه كله انين
الضلة منحوله
والبسمة مجهولة
خبيت فى جرحى الحروف
وشكيت لطير ملهوف
غنى غنا مجروح
خلينى فى اول قصايدك
ازرعنى وردة فى جناينك
بصيت ع الميدان كأنه مبتلى
ساكت وبيقب من تحت التراب الف ولى
الدم فى العروق جلى
والصرخة فى ودانى بتنجلى
بصيت ع البداية
لسه فى مخاضها جنين
فى عيون الف حزين
بس فين راحوا الطيبين
فين البشارة والاإشارة
تمد ايدها تولع فى القلب الحرارة
طال الاشتاق
لما جاع كل الرفاق
واتكسر الحرف الشجاع
بصيت لاول طريقى
لازم تمد الايد يا صديقى
نغير متاريس السكوت
ونخطى فوق جسم الطاغوت
ونغنى لبكرة قبل ما زهورنا تموت
نغنى غنوة للفدا
تكون هى المبتدا
نحضن فى اللى اسمه الوطن
نحضن جناينه فى احلى لقا
نكتب تاريخنا من جديد
حتى لو بميت مليون شهيد
==============محمدعبدالمقصودداود
ليست هناك تعليقات:
إرسال تعليق