سايس نفسكمتخليش الوحدة تذلك
ولاتسمحش لحد يمل لك
سايس نفسك وأملك أمرك
تصبح كل الدنيا دي ملكك
***
متخليش اليأس يسوقك
ويكتر ويعلي همومك
أو لكآبة ف يوم تستسلم
وتسرسب روحك و دموعك
***
سلم أمرك.. للرحمان
وانسى آلامك جوه عطاء
وإن جالك طوفان مايهمك
خلي إيمانك خير عزاء
***
اوعى تقول م الدنيا تعبت
فيها كتير من خير بيهل
سامح واغفر للي ف غلطه
مفيهوش كره وحقد وغل
***
وانسى قساوة كل الماضي
خلي الحاضر سعد و بر
ربك ح يعوض لمتاعبك
واوعى النار من جنبها فر
***
بقلمي/ صفاء الخواجة 
ليست هناك تعليقات:
إرسال تعليق