طرطقلي ودانك◇□◇□◇□◇□◇□◇□◇□◇
طرطقلي ودانك ،،،،، يا آخينا
افهم ليه ،،،،،،،،،،، بيغموا عنينا
ليه ساكتين ،،،،، وتقولوا آمين
والديب قال جاي ،،،، بيحمينا
وكتب لنا ليسته ،،،، بآسامينا
طرطقلي ودانك ،،،،، يا آخينا
فنجلي ،،،،،، عيونك يا جميل
إوعى تكون ،،،، إمعة وعويل
ليه بتطاطي ،،،، لأيها واطي
عاوزك تبقى ،،،، لبلده عميل
وتبيع له ،،،، حلايب أو سينا
طرطقلي ودانك ،،، يا آخينا
عامل رقة يا واد ،،، ورهييف
وانت جبان ، جاي بتستهيف
ولا بتقرر ،،،،،،،،، يوم تتحرر
وتملي تهرج ،،،،،،،،،،،، وتهيف
شوف جبنك ، فين هايودينا
طرطقلي ودانك ،،،، يا آخينا
لما السلبية ،،،،،، بقيت منهج
خصخصنا المصنع والمحلج
واي بروطة ،،،،،، أخد اللقطة
م التفكير ،،،،،،، يتعب ويهنج
وان قال لنا ،،،،،،، رأي بيآذينا
طرطقلي ودانك ،،،، يا آخينا
ليه راضى وعايش واد خِيخة
وحاططلي فــ بطنك بطيخة
واما تثور ،،،،،،،،، وتعيش الدور
تبقى فــ إيد غيرك شخشيخة
وبكل بجاحة ،،،،،،،،،،،،،،،ترازينا
طرطقلي ودانك ،،،،،،،، يا آخينا
ليست هناك تعليقات:
إرسال تعليق