= اخر حروف فى السطر الاخير =======
######################################
1-- مااقدرش ألمسك
ولا اقدر اشوفك
لكن قلبى يقدر يبحبسك
ومن اجمل عيون فى الكون اعرفك
ما اقدرش امسك ايديكى ع الكورنيش
واقدر ألمحك فى كل ايد عاشقة
وحبها درويش
اللقا مش اخر مراحل العشق
اللقا انى لسه معاكى باعيش
=============================
2--عاشق بحسن النية دخلت القصة
و ادينى فى اخر عمرى
وفى حلقى غصة
العجز مش فى الصدق
اتا حبى صادق لسه
العجز ان الدنيا محتاجة رقصة
ودى حاجة فى عمرى ناقصة
========================
-3-واقفين على محطة
والقطر ماشى واحنا كما شرطة
بنسجل السيئات ونكبر الغلطة
واقفين وفاضل من عمرنا تكة
لاعرفنا نركب ونكمل السكة
ولارجعنا عن حلمنا
ومثلنا كام ضحكة
واقفين نسجل همومنا كانها تركة
4- -الدنيا ماكنتش مصاحبه نصيبك
ضيعت حلمك وحبيبك
وبنيت اشواق على نظرة وصدفة
وفردت قلوع حسن النية
وغرقت فى شطوط الحنية
ما سالتش قلبك ان كان له خبرة
فرميت نفسك فى اغوط حفرة
لساك بين صدفة ولهفة
والدنيا بتطحن ايامك
بطلين فى دماغك متعارضين
بسيوف من حرب قديمة
ابعد من حرب فى حطين
===============محمدعبدالمقصودداود
ليست هناك تعليقات:
إرسال تعليق