* قصيدتي ( حقك عليا )
يا حبيبي حقك عليا
انشغلت عنك شويه
سامحني قلبك كبير
اعزرني عارفك أمير
وإن كنت بكيت عيونك
أو حتى صحيت ظنونك
صدقني أنا قلبي كونك
متحكم ولا فيه مثيلك
جمالك محفور في بالي
عيونك دي شطي وخيالي
وقلبك دا هو رسمالي
من يومك لمسه حنان
وفي قلبك بفرش ونام
يا حبيبي معني الكلام
وجودك في القلب غالي
مقامك في الفكر عالي
لو تفرح الدنيا نور
تهنالنا ونعيش سرور
تقول جنه والشوق ماليها
يدوم حالنا وانا وانت فيها
يا غالي شفت معني الغرام
طب خد مني قنطار كلام
أنا بس كنت مشغول شويه
علي شؤون حياتنا والنيه هي
أعلي بيتنا ولا شيء يفوتنا
نعيش حياتنا ولا نقول بكام
وإن طال انشغالي أو ذاد شويه
يا حبيبي فعلا حقك عليا
* انتهت من فضل الله تعالى قصيدتي ( حقك عليا ) ونؤكد على أن جميع حقوقنا محفوظه وفقا للقانون مع أطيب تحياتي الأديب الدكتور محمد يوسف
ليست هناك تعليقات:
إرسال تعليق