=
=============- خمرت الشاى
=============- خمرت الشاى
##################################
خمرت الشاى
معرفش ازاى
وكرسيين على طرف البلكونة
كرسى شايل جسمى وهمى
وكرسى حاضن حلمى
والقمرة بتبص علينا
عارفة اسامينا
وبتسأل الكرسى اللى فاضى
فاضى ليه
مع انه متعبى بحلمى وماضى
واصوات اشواق تلحن الغنوة القديمة
وبتردد مع آخر خطوة فى لقانا
بتقول يا فراق
وانا و الكرسى الفاضى
كما العشاق قاعدين
وشايلين احلام طفولتنا
مع عكازى الجديد
خطاوينا بتتسند على ضعف شايله من بعيد
لسه ملامحك بتشدنى من بير ل بير
واحلم واطير
رغم ان اوسع خطوة ليه
كما خطوة الطفل الصغير
لسه احلامى غبية
كل ساعة تجر للحظة ثرية
كات مشاعرنا لسه بكر
وهمومنا شقية
قولى ايه لسه باقى لى فى قلبك
غير صورة مجروحة
وعكازين وحنين
ودمعتين بيرسموا لوحة
وسعى ما بين قوتى وعمرى
ونرجع والصورة ملوحة
والجمع بين حلم و واقع
و حقيقة وخيال وموانع
مشوار ونهايته مجروحة
خايف اقول نتقابل
فى ترام رايح ونتجادل
او باص ع الكورنيش راجع
ونبص ع العشاق ونتفاءل
ونقول دى صدفة وقدر
دا لو كان القدر جاهل
هناك فيه كازينو فى البوريقاج قافل
نقف تحته ساغة ونتحاسب
مش ع المشاريب
على حلمنا الغافل
عى لحظة سبناها جوا بستان عمرنا الآفل
كات ناويه تطرح قبل
بس الحرام كان فاصل
ايه اللى باقى لنا غير ننسى اسامينا
نخلع من القلب احلى اما نيننا
ندخل فى عب الليل
نستر جراح عمرنا
وندور فى سواقينا
دا احنا اللى بيننا حكاية ود
مهما يطول العمر بتمد
============================محمدعبدالمقصودداود
ليست هناك تعليقات:
إرسال تعليق