...... قلبي مرسي .. ...
قلبي مرسي ,فيه.. هترسي
بين جفوني.... السهرانين
جوة نين ورمش ....خايف
بين شفايف عطشانين
ولا قلب كان توقف..... عن
مشاعر من سنين
لما شافك دق دقة.... قالي
فاض بيه الحنين
أيوه هو ده حبيبي..... راح
اشيله ف العيون
راح اخبي حتي........ ظله
واطبق عليه الجفون
اصل حبي ليه .......قواعد
ايوه ليه عندي قانون
ان قلبه ليه وحدي.... وإنه
ممنوع يوم يخون
وقتها اوهبله نفسي.. حتي
لو كنت بسجون
سجن قلبه لأجل... خاطره
يخلي كل الكون يهون
ايوه انا مخلوقه ليه.. حالفه
من غيره ما اكون
احنا بينا خط..... واصل
والتفاهم حد الجنون
اقرا الكلمة بعيونه .....قبل
مايقولها اللسان
وابقي اكمل حلمي..... منه
اصله عنوان الامان
والقي روحي جوه...... منه
وانسي من هي ايمان
واكتب الشعر بجماله. اكتب
فيه مليون ديوان
اوصف الضحكة ....بعيونه
والرموش القتالين
اللي بيهم تم غزوي. وصرت
انا م المغرمين
قلمي قال تاه ........ الكلام
والحروف غيرانين
حبه نطق الجماد ....والجماد
ماكان يلين
الشاعرة...
إيمان عبدالله والي
ليست هناك تعليقات:
إرسال تعليق