حبل الفراق□■□■□■□■□■□■
أرضي اللي صبحت بور
والزرعة ...مش طارحة
سواقيها .... مش بتدور
ولا عادش ... فيه فرحة
وبُـنـاهـا كـله ُ ....اتـهـــد
ولا عاد طريق للود ...!!
حبل الفراق ....... اتمد
الروح معاه ..... سارحة
ارضي اللي كانت براح
القلب ......... ما يساعه
غربانها تنعق ....... نواح
زادت ...... في اوجاعه
كيل ياقلبي ..... الهموم
انسى اللي صابك يوم
حتى اللي .. جالك يلوم
أول الحبيب ....... باعه
زرعت الصبر ... فدادين
ولا كليت . ومليت يوم
قالولي تعالى . رد الدين
وخدلك من النوايب كوم
قولت وماله .. مايضرش
عيار لايصيب ولا يدوش
عبتلي .... وبقيت تكبش
لقيتني في همومه بعوم
ارضي بقيت .... مالحة
ولا شتلة ...... وفسيلة
ولا زرعة .. كات فالحة
بتخفف ......... الشيلة
الفاس وجت ف الرأس
وكلام .... كأنه رصاص
لشيطان ... لعين خناس
ولا لينا فيه ........حيلة
كنت بدمي ..... أرويها
وبكدي .. ........ براعيها
وبعرقي .......... بسقيها
واحمي ......... مراعيها
تربتها ..... عصياني ..؟؟
وبقيت .......... معنداني
ووشها ..............التاني
تعطيه ........... لأعاديها
بقلم الشاعرة /زينب سليم أحمد
ليست هناك تعليقات:
إرسال تعليق