خاطرة بقلم ..د. بلعباس المختار

 

لكم مني احبائي الغاليين الكرام الأفاصل المبجلين

أهدي هذه القصيدة الزجلية الغنائية و كلي أمل أن

تروق أذواقكم و مسامعكم
...............................................................

وَ وَجَه شَكوَاك لَكرِيم لعَالِي لجَوَاد

ݣَالُو دُنيَا دَايزَة علِيَ وَ علِيك

ليُوم معَاك وَاقفَة عَضهَا بسَنِيك

لَشَفتِيهَا ضَاحكَة كَترَحَب بِيك

اغتَانَم لفُرصَة غَدَا يَمكَن تعَادِيك

إِيَاك تخَلِيهَا تَفلَت مَن بِين يَدِيك

رَاهَا مَا عُمَرهَا تبَان ثَانِي ݣَُدَامَك

عرَف تصَرَف معَاهَا بطِيبَة وَ لِين

تخَلِيهَا لِيك تعَشقَك تَملَكهَا فَلحِين

لَشَافتَك تبَدَلتِ علِيك تَقلَب لعِين

مَا تحَس مَن جِيهتَك بحُب لَا بحَنِين

تسَوَد لِيك حيَاتَك تخَلِيك حزِين

تَعيَى مَا تَجرِي ورَاهَا غَا تَلقَاهَا فِين

عرَف رَاهَا دُنيَا مَا معَاهَا ملَاغَة

لَعرفَاتَك قَافَز وَ عِرِيف لِيك مُطَاعَة

تَعطَاك بلَا تَزيِيف رَاضيَة سَمَاعَة

لَجَبرَاتَك مَاشِي نظِيف لِيك خَدَاعَة

دَغيَا تنَفرَك وَ توَلِي فَحيَاتَك فَزَاعَة

خَدَم لمَعقُول بَارَكَة مَن كَثرَة لَفهَامَة

علِيك تفَكَر مَزيَان وَ تَختَار صدِيق

لِي معَاه يَمكَن تَنجَح وَ تشَد طرِيق

يكُون لِيك عوِين فَشَدَة وَ فَضِيق

دِيمَا خَلِي قَلبَك علَى قَلبُو رفِيق

وِ لَصدَق فحُبُو غِير خُوذُو شقِيق

بحَال لَوَلدَاتُو لِيك أُمُك إِوَ فِيق

رَاهَا كَم مَن صُدفَة خَير مَن مِيعَاد

وِ لَا مَا جنِيتِ مَنُو غَا لأَلَم وَ نَكَاد

خَلِي عَشرَتَك دَايمَة غِير معَ لَجوَاد

و وَجَه شَكوَاك لَكرِيم لعَالِي لجَوَاد

يَجعَل حَال يَامنَا دِيمَا مسَݣَم وَ مݣَاد

رَاه علِيه وَحدُو سُبحَانُو لَعتِمَاد

الشاعر و الزجال الغنائي و القاص

ذ . بلعباس المختار