الزجال حج هلال....
نويت التوبة
وخلاص داخل في الغيبوبة
ولا هاتكلم
وافضل ساكت كده وامبلم
وماليش دعوة بالأعجوبة
طفل الطوبة
إللي الدنيا عليه مقلوبة
والإعلام عامل سبوبة
كان طفل صغير
طلعت له جنحان بيطير
وخللا العالم يرغي كتير
في خبر عاجل
قال بقى راجل
والقنوات شرح وتصوير
والتحليل محتاج تفسير
ويادوبك نفهمه بصعوبة
المذيع والدكتورة زوبة
في توتر والأمر خطير
والناس من حوليه مرعوبة
هو ده كان طفل الطوبة
أمه كات خايفة ومغلوبة
قام ونسها ورفع راسها
ولسه الحفلة عليه منصوبة
وكل الدنيا عليه مقلوبة
علشان كده
أعلنت التوبة
....................
الزجال حج هلال في
،،،،،، نويت التوبة ،،،،
ليست هناك تعليقات:
إرسال تعليق