الزجال حج هلال في
فلسطين بتنادي عالأمة
...........................
سيدنا يانبي الإسلام
الكفار زادوا في الإجرام
هدموا بيوت وحرقوا حمام
ومنعوا الشرب ومنعوا طعام
بني صهيون يفسدوا في الكون
ولا خلوش في الدنيا سلام
ينفع كده ياخير ختام
عملوا كل ما هو حرام
قدس وأقصى وأرض الشام
محتلينها الأقذام
فسدوا فيها وف لياليها
وفسادهم فسد. الأيام
سيد العالم يا أبو القاسم
الليل بقى من غير أحلام
والدنيا صبحت أوهام
من أفعال محتل هدام
وكيان خرفان و أغنام
كانوا أيام فرعون خدام
ينفع كده يا أبو الزهراء
أحفاد خيبر سفكوا دماء
سكان غزة صباح ومساء
والأباء ويا الأبناء
بحصار منع طعام والماء
ونار من بحر وبر وسماء
سيدنا ياختام الأنبيا
يرضيك كل الدنيا عليا
القوات الأمريكية
والغرب والصهيونية
وانا في حصار نار كفار
والأمة والا تسأل فيا
يرضيك يا جد الحسنين
عصبة خونة ومحتلين
جايين على أرض فلسطين
وقدس و غزة متحاصرين
يرضيك يا رسول العالمين
الأمة شايفة وساكتين
ينفع كده يا رسول الله
بني صهيون منهم لله
والعالم ظالم ويااااه
والأمة في نكبة وغمة
ولا حد بيقول كلمة بذمة
ولا حد يصرخ ويقول آه
الزجال حج هلال في
فلسطين بتنادي عالأمة
ليست هناك تعليقات:
إرسال تعليق