( هو ده حبيبي)
أول ماسمعت كلامه لقيت قلبي صدقه
شغلني وشغل بالي ولقيت روحى بتعشقه
وقُلت خلاص حبيبي جاني والحلم الجميل هنحققه
وم النهارده هترتاح كل الألآم اللي في بعده أنا شوفتها
والجنه اللي كان قلبي بيتمناها في قربه خلاص أنا عيشتها
حبيت حياتي معاه والدنيا احلوت بهواه
وأول ماحبيبي خدني في حضنه وضمنى
حسيت بإحساس غريب وعرفت قد إيه بحبه وبيحبنى
ومين غيره في الدنيا حد تاني يهمنى
روحى فيه وعقلي مشغول بيه وقلبي دايب فيه
حتي وانا معاه بحس إنه واحشني ومشاعري ملهوفة عليه
ومن كتر حبي ليه خوفي زاد عليه
خايف اكون بحلم ولما أصحي مش هلاقيه
واتمنيت لو كان الحب والغرام اللي أنا فيه
حلم مش عايز اصحي منه
وافضل عايش في الحلم عمري كله
كفايه عليا حنانه لما احس بيه وانا بقربه
تعبت كتير واتعذبت سنين في بعده
وأول ما شوفته قلبي نادي بأعلى صوت ودقاته بتدقله
وقال اللي فات كان كله عذاب وجراح والنهارده عمري ابتدا من أوله
هو ده حبيبي اللي بتمني عمري معاه أكمله
خواطر (اشرف الدغيدي)
ليست هناك تعليقات:
إرسال تعليق