روح بريئة ◇■◇■◇■◇■◇■◇■◇
وسط تجاعيد الزمن ..!!!
شوفت بنوتة. .... بضفاير
حلوة لسة ........ بمريله
والوقت فات ..كأنه طاير
بابتسامة .... حلوة منها
كانت القلوب تدوب ..!!!
والبراءة اللي ف عينها
تجبر العاصي ... يتوب
ماسكة ريشة .... ولونت
كل أيامها ........... بلون
وردي زاهي .... وكونت
ليها بستان ... يبقى كون
كل أحلامها ........ بريئة
والبساطة .. كات طباعها
حتى بتشوفها ... حقيقة
والمدى مبقاش يساعها
مهما بتدور الحياة ...!!!
روحها الحلوة م بتتغير.
كل طموحها ... ومنتهاه
يبقى بيتها حلو صغير
تدهن حيطانه بالسعادة
والأمان حواليه جناين
تبدر بذورها خير زيادة
مايقربش منها .. خاين
وستاير شباكها ... حرير
تلمح منها .... لون الورد
م النسمة .. تلقاها تطير
وتصحيها ببوسةع الخد
حلمها .... سهل وبسيط
حب يبقى لروحها سنة
احتلال وبدون وسيط
يقدر يخلي الدنيا جنة
جوا روحها نور شبابها
مالي دنيتها ..... عبير
قالوا إن اليأس صابها
بس جواها ... كتيييير
وبإيديها تزيح ضبابها
مهما كان .. حمله عسير
والحصاد اللي ف منابها
شريك حياة يبقى امير
بقلم الشاعرة/ زينب سليم أحمد
ليست هناك تعليقات:
إرسال تعليق