خواطر ... عابد الفقي

 

مهما كانت الظروف

اوم ياعم اعمل معروف ..

اثبت حبك وحد ربك ..

اشكر وأحمد وأبدأ ..

جدد ياما هتشوف..

الخير جاي من رب كريم ..

فرجه قريب عل مكشوف..

ظاهر ليك بتشوفه عنيك ..

اوعي تقول انك مكسوف..

لو لفيت الدنيا بحالها ..

مفيش غيره يجازيك خير ..

عل معروف..

مهما تإن وتتعب فيها ..

مين غيره هوا اللي حاميها ..

ومنزل اقداره راعيها ..

بكلمة كن فيكون ينهيها ..

عل نفس المؤمن يرضيها..

بنعيم ف الجنه ويأويها ..

يتمتع والراحه ابديه ..

من غيره رب البريه ..

لا اله الا الله محمد رسول الله..

كلمة توحيد اوعاك تنساها ..

خليك دايما ردد ليها ..

خلي لسانك مايتركهاش ..

خليها ف دماغك ماتنسهاش ..

ما هيه المفتاح للجنه ..

يسرها يارب عل لسنا ..

نختم بيها ودا كل آمالنا..

لا اله الا الله محمد رسول الله

خواطر  ...

عابد الفقي