فارس أحلامي ●■●■●■●■●■●■●■●
كان حلم جميل وصحيت منه
وفارقني .................النوم
وبسرعة اتبخر ........ اكمنه
كان صعب .............. يدوم
كان طيفك جنبي مونسني
بأمان الدنيا ...... محسسني
وعيون القلب ...... بتلمسني
القاني ف الفرح ....... بعوم
ومشينا سكة ....... أحلامنا
ورجعنا ................. اوام
كانت نظراتنا ...... وكلامنا
لهفة ................ و غرام
قولت بشوق الدنيا واحشني
ولاشيء عنك يوم هايحوشني
والذكرى معاك ..... بتعيشني
لسنين ...........قدام ..!!!!!
وسمعت منك .... أحلى كلام
ولارميو ف يوم .حسه وقاله
خلى عيوني مش عارفة تنام
والروح هيمانة .. ب وصاله
يا فرحة قلبي ..... استناها
قضيت عمري ....... بتمناها
وف حلم جميل ... انا بلقاها
وهواه عيشته ... بكل جماله
وصحيت م نومي وانا حاسة
صوتك لساه .... جوا وداني
وكأني سامعه .. كمان همسة
بتقولي كملي ....... نوم تاني
غمضت عنيا .... بلهفة عليك
وبشوق الدنيا حضنت عنيك
وتحن الروح من تاني إليك
وف بعدك ... تايهة وبتعاني
احلامي معاك بتكون وردي
بتمناها ..... ولا يوم تمشي
لو عمري معاها ..... هايعدي
هاتهنى فيها .... وماندمشي
أنا عوزاك ..... دايما قدامي
صاحية أوحتى في منامي
وتكون .... الفارس لاحلامي
وانا صاحية عادي مابنامشي
Zenab Seleem
ليست هناك تعليقات:
إرسال تعليق