الزجال حج هلال في
....... أيام الهجرة
،،،،،،،،،،،،،،،،،،،. ،،،،،،،،،،
كل نبي هاجر أو سافر
وسيدنا محمد خير مهاجر
بعد ماصابه وصاب أصحابه
تعذيب من مشرك أو كافر
هاجر ناس بالدين للحبشة
والنجاشي أسلم مش كافر
و ويا نبينا صحابة فى مكة
في التعذيب والدين متحاصر
مؤمنين بيحبوا الدين
ويا نبينا هناك صابرين
وأهل قريش وكفار مكة
قاسية قلوبهم والنبي صابر
عاوز فرصة لنشر الدعوة
راح للحجاج عند العقبة
وعقد البيعه ويا إتناشر
كلف مصعب يدعي في يثرب
بالقرآن والوحي النارل
أسلم وياه سبعين راجل
وسيدنا محمد جاتله أوامر
من مكه يطلع ويهاجر
خد أسبابه وعمل الخطة
وأمر علي بالنوم ف الغرفة
نفس مكانه ونفس الفرشة
ومعاه أمانات كفار مكة
والكفار واقفين على بابه
النبي حط تراب على روسهم
وراح للصديق خير صحابه
وقاله الخطة وأمر الهجرة
نطلع كده من خلف الدار
وثلاثة أيام فى الغار
والأغنام راح تمحي أثار
وأسماء بطعام وبالماء
وابن الصديق بالأخبار
وابن أريقط يبقى دليل
عارف السكة والمشوار
وعند الغار وصل الكفار
لكن ربك كان ستار
و النبي يمشي طريق عكسية
وييجي سراقه عاوز الدية
أقدام فرسه تغوص فى الرملة
ويرجع يحلم فى سوار كسرة
وقرب سيدنا على المدينة
والأنوار ظهرت والزينة
والأفراح عند الأنصار
قالوا طلع البدر علينا
..............................
ياااارب حوش عن غزة الجوع
واهزم مجرم بني صهيون
واجعل صاحب الحق مرفوع
و خد الظالم و الملعون
..................................
الزجال حاج هلال
وللحديث بقية
في أيام الهجرة
ليست هناك تعليقات:
إرسال تعليق